ಬ್ರಿಜ್ ಪಕ್ಕ ನದಿತೀರದಲ್ಲಿ ತೇಲುತ್ತಿರುವ ಶವ ಪತ್ತೆ: ಜಿನ್ ಪ್ಯಾಂಟ್ ಮತ್ತು ಟೀ ಶರ್ಟ್ ಧರಿಸಿ ಮೃತ ಪಟ್ಟ ವ್ಯಕ್ತಿ ಯಾರು ?

ಅಂಕೋಲಾ: ಅಂಕೋಲಾ ಕುಮಟಾ ಮಾರ್ಗಮಧ್ಯೆ ಕೊಡಸಣಿ ಬ್ರಿಜ್ ಹತ್ತಿರ ಗಂಗಾವಳಿ ನದಿತೀರದ ಪ್ರದೇಶದಲ್ಲಿ ಅಪರಿಚಿತ ಶವವೊಂದು ಪತ್ತೆಯಾಗಿದೆ. ನದಿಯಲ್ಲಿ ಶವವೊಂದು ತೇಲುತ್ತಿರುವ ಕುರಿತು ಸ್ಥಳೀಯರು ನೀಡಿದ ಮಾಹಿತಿ ಆಧರಿಸಿ, ಪಿ ಎ ಸೈ ಕುಮಾರ ಕಾಂಬಳೆ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.

ಶವವನ್ನು ನೀರಿನಿಂದ ಮೇಲೆತ್ತಿ, ಕಾರವಾರ ಜಿಲ್ಲಾ ಆಸ್ಪತ್ರೆ ಶವಾಗಾರಕ್ಕೆ ಸಾಗಿಸಲು ಸಾಮಾಜಿಕ ಕಾರ್ಯಕರ್ತರಾದ ಕನಸಿಗದ್ದೆಯ ವಿಜಯಕುಮಾರ ವಾಯ್ ನಾಯ್ಕ, ಬೊಮ್ಮಯ್ಯ ನಾಯ್ಕ, ಪೋಲೀಸ್ ಸಿಬ್ಬಂದಿಗಳಾದ ವಿಜಯ , ಅರುಣ, ಜಗದೀಶ, ಸ್ಥಳೀಯ ಗ್ರಾಮಸ್ಥರು ಸಹಕರಿಸಿದರು. ಮೃತ ದೇಹ ಕೊಳೆಯಲಾರ0ಭಿಸಿದ್ದು, ಜಿನ್ ಪ್ಯಾಂಟ್ ಮತ್ತು ಶರ್ಟ್ ಧರಿಸಿರುವ ಮೃತ  ವ್ಯಕ್ತಿ ಹಾಗೂ ಘಟನೆ ಕುರಿತಂತೆ ಪೋಲೀಸ್ ತನಿಖೆಯಿಂದ ಹೆಚ್ಚಿನ ಮಾಹಿತಿ ತಿಳಿದು ಬರಬೇಕಿದೆ.

ವಿಸ್ಮಯ ನ್ಯೂಸ್ ವಿಲಾಸ ನಾಯಕ ಅಂಕೋಲಾ