ಬಾರ್ & ರೆಸ್ಟೋರೆಂಟ್ ಕಳ್ಳತನ: ಲಕ್ಷಾಂತರ ರೂಪಾಯಿ ನಗದು, ಬಿಯರ್ – ಮದ್ಯ ಕದ್ದೊಯ್ದ ಖದೀಮರು: ಮುಖಕ್ಕೆ ಮುಸುಕು ಧರಿಸಿ ಮಾರಕಾಸ್ತ್ರಗಳೊಂದಿಗೆ ಬಂದ ಕಳ್ಳರ್ಯಾರು ?
ಅಂಕೋಲಾ: ರಾ.ಹೆ.66 ರ ಅಂಚಿಗಿರುವ ಬಾರ್ & ರೆಸ್ಟೋರೆಂಟ್ ನಿಂದ ಲಕ್ಷಾಂತರ ರೂ ನಗದು ಮತ್ತು ಕೆಲ ಪ್ರಮಾಣದ ಮದ್ಯದ ಬಾಕ್ಸ್ ಕಳುವಾಗಿರುವ ಘಟನೆ ಮಂಗಳವಾರ (ತಡರಾತ್ರಿ)ಅಂಕೋಲಾದಲ್ಲಿ ನಡೆದಿದೆ ಎನ್ನಲಾಗಿದೆ. ರಾತ್ರಿ ಎಂದಿನಂತೆ ವ್ಯವಹಾರ ಮುಗಿಸಿ, ಬಾರ್ ಬಂದ್ ಮಾಡಿ ಅಲ್ಲಿಯ ಸಿಬ್ಬಂದಿಗಳು, ಮೇಲ್ಮಹಡಿಯ ಪ್ರತ್ಯೇಕ ಕೋಣೆಯಲ್ಲಿ ಮಲಗಿದ್ದರು ಎನ್ನಲಾಗಿದೆ.
ರಾತ್ರಿ 2 ಗಂಟೆ ಸುಮಾರಿಗೆ ಬಾರ್ ನ ಹಿಂಬದಿ ಅಡುಗೆ ಕೋಣೆಯಂತಿರುವ ಶೆಡ್ ನ ಜಾಳಿಗೆ ಸರಿಸಿ ಒಳ ನುಸುಳಿದ ಕಳ್ಳರು, ಅಷ್ಟೇನೂ ಭಧ್ರವಾಗಿರದ ಇನ್ನೊಂದು ರೂಮಿನ ಬಾಗಿಲು ಚಿಲಕ ಮುರಿದು ಒಳನುಗ್ಗಿರುವ ಸಾಧ್ಯತೆ ಇದೆ ಎನ್ನಲಾಗಿದೆ. ನಂತರ ಸ್ಟೋರ್ ರೂಮಿಗೆ ಪ್ರವೇಶಿಸಿದ್ದಲ್ಲದೇ, ಬಿಯರ್ ಹಾಗೂ ಕೆಲ ಮದ್ಯದ ಬಾಟಲಗಳನ್ನು ತೆಗೆದುಕೊಂಡು, ಆ ಬಳಿಕ ಕ್ಯಾಶ್ ಕೌಂಟರ್ ಬಳಿ ಬಂದು ಗಲ್ಲಾ ಪೆಟ್ಟಿಗೆ, ಅಕ್ಕ-ಪಕ್ಕ ಹುಡುಕಾಡಿ ಲಕ್ಷಾಂತರ ರೂಪಾಯಿ ನಗದನ್ನು ಕದ್ದೊಯ್ದಿದ್ದಾರೆ ಎನ್ನಲಾಗಿದೆ.
ಈ ಎಲ್ಲ ಘಟನಾವಳಿಗಳು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಮಾರಕಾಸ್ತ್ರಗಳೊಂದಿಗೆ, ಕಳ್ಳತನದ ವೇಳೆ ಮುಖಕ್ಕೆ ಮುಸುಕು ಧರಿಸಿ ಬಂದ ಈರ್ವರ ಪತ್ತೆಗೆ ಪೊಲೀಸ್ ಇಲಾಖೆ ಮುಂದಾಗಿದೆ ಎನ್ನಲಾಗಿದೆ.ಈ ಬಾರ್ ಗೆ ಬಂದು ಹೋಗುವವರೇ, ಒಳ ವ್ಯವಹಾರ ಅರಿತು ಅಥವಾ ಸ್ಥಳೀಯರ ಶಾಮೀಲಾತಿ ಯಲ್ಲಿಯೂ ಈ ಕಳ್ಳತನ ನಡೆದಿರಬಹುದೆಂಬ ಮಾತು ಕೇಳಿಬಂದಿದೆ. ಪ್ರಕರಣ ದಾಖಲಾಗಿ,ಪೊಲೀಸ್ ತನಿಖೆಯಿಂದ ಈ ಕುರಿತು ಹೆಚ್ಚಿನ ಮಾಹಿತಿಗಳು ತಿಳಿದುಬರಬೇಕಿದೆ.
ಇತ್ತೀಚೆಗೆ ಜಿಲ್ಲೆಯ ಹಳಿಯಾಳ ಮತ್ತಿತರೆಡೆ ಇಂತಹುದೇ ಕಳ್ಳತನದ ಪ್ರಕರಣಗಳು ವರದಿಯಾಗಿದ್ದು,ಅತಿಶೀಘ್ರವಾಗಿ ಕಳ್ಳರನ್ನು ಬಂಧಿಸುತ್ತೇವೆ ಎನ್ನುವ ವಿಶ್ವಾಸವನ್ನು ಪೊಲೀಸ್ ಇಲಾಖೆ ವ್ಯಕ್ತಪಡಿಸಿದಂತಿದೆ.
ವಿಸ್ಮಯ ನ್ಯೂಸ್ ವಿಲಾಸ ನಾಯಕ ಅಂಕೋಲಾ
ವಿಶೇಷ ಸೂಚನೆ: ಉತ್ತರಕನ್ನಡದ ಪ್ರಮುಖ ಸುದ್ದಿ, ವಿಶೇಷ ವರದಿ, ಸಭೆ-ಸಮಾರಂಭ ಉದ್ಯೋಗದ ಮಾಹಿತಿಯನ್ನು ನಿರಂತರವಾಗಿ ಪಡೆಯಿರಿ. ವಿಸ್ಮಯ ಟಿ.ವಿಯ 8762287698 ಈ ನಂಬರ್ ಸೇವ್ ಮಾಡಿಕೊಂಡು, ನಮ್ಮ ವಾಟ್ಸಪ್ ನಂಬರ್‌ಗೆ ಹಾಯ್ ಅಂತ ಮೆಸೇಜ್ ಮಾಡಿ ವಿಸ್ಮಯ ಟಿ.ವಿ ನ್ಯೂಸ್ ಗ್ರೂಫ್ ಮೂಲಕ ಕ್ಷಣ ಕ್ಷಣದ ಸುದ್ದಿಗಳನ್ನು, ಮೊಬೈಲ್ ನಲ್ಲಿ ನೀವಿರುವ ಸ್ಥಳದಲ್ಲೇ ನಿರಂತರವಾಗಿ ಪಡೆಯಿರಿ. ಈ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ., ಹಾಯ್ ಅಂತ ಮೆಸೇಜ್ ಮಾಡಿ.
