Important
Friday, March 28, 2025, 5:28 PM
ಬೇಸಿಗೆ ರಜೆ ನಿಮಿತ್ತ 20 ದಿನಗಳ ಸಂಗೀತ ಸಂಸ್ಕಾರ ಶಿಬಿರ
Important
Monday, March 24, 2025, 4:19 PM
ಬೆಟ್ಟಿಂಗ್ ಭರಾಟೆ ಜೋರು : ಪ್ರತಿ ತಾಲೂಕಿನಲ್ಲಿ ಪೊಲೀಸ್ ಇಲಾಖೆಯಿಂದ ತೀವ್ರ ನಿಗಾ
Important
Friday, March 21, 2025, 11:25 AM
ಈ ವೇಳೆ ರಾಮಚಂದ್ರ ಅವರೂ ಅದನ್ನು ಸಕಾರಾತ್ಮಕವಾಗಿ ತೆಗೆದುಕೊಂಡು, ತಮ್ಮ ಜಿಲ್ಲೆಯವರೆಂಬ ಹೆಮ್ಮೆಯಿಂದ ಮತ್ತಷ್ಟು ಬೇಗನೆ, ವಿಳಾಸ ಖಚಿತತೆಗೆ ಮುಂದಾಗಿ, ಕುಮಟಾ ಊರಿನ ನಾಗರಿಕರ ಗಮನಕ್ಕೆ ಎಂಬ ತಲೆ ಬರಹದಡಿ, ಆಗುಂಬೆಯಲ್ಲಿ ಪತ್ತೆಯಾಗಿರುವ ವ್ಯಕ್ತಿ ಬಗ್ಗೆ ವಿವರಣೆ ನೀಡಿ, ಈತ ಕುಮಟಾ ಮಿರ್ಜಾನ ದವನು ಎನ್ನುತ್ತಿದ್ದಾನೆ, ಆತನ ಕುಟುಂಬಸ್ಥರಿಗೆ ಈ ಸಂದೇಶ ತಲುಪುವಂತೆ ಮಾಡಿ ಎಂದು ವ್ಯಕ್ತಿಯ ಪೋಟೋ ಸಮೇತ ಮನವಿ ರೂಪದ ಮತ್ತು ಸಾಮಾಜಿಕ ಕಳಿಕಳಿಯುಳ್ಳ ಸಂದೇಶವನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ನಂತರ ಆ ಸಂದೇಶ ಕುಮಟಾದ ಹಲವರ ಮೊಬೈಲ್ ಗಳಲ್ಲಿ ಹರಿದಾಡಲಾರಂಭಿಸಿದೆ.
ಒಬ್ಬರಿಂದ ಒಬ್ಬರಿಗೆ ಹರಿದಾಡಿದ ಈ ಸಂದೇಶ, ಕಾಣೆಯಾಗಿದ್ದ ವ್ಯಕ್ತಿಯ ಸಹೋದರನಾದ ಅಂಕೋಲಾ ಹೊನ್ನಳ್ಳಿಯಲ್ಲಿ ವಾಸವಾಗಿರುವ, ಈ ಹಿಂದೆ ಥರ್ಮಲ್ ಪವರ್ ಘಟಕದಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾಗಿರುವ ಚಂದ್ರು ಪಟಗಾರ ಎನ್ನುವವರಿಗೆ, ಶಿರಸಿಯಲ್ಲಿರುವ ಅವರ ಅಳಿಯನ ಮೂಲಕ ತಲುಪಿದೆ. ಕೂಡಲೇ ಆ ಮೂಲ ಸಂದೇಶ ಕಳಿಸಿದ ದೂರದ ಆಗುಂಬೆಯಲ್ಲಿರುವ ಶ್ರೀನಾಥ ಭಕ್ತ ಅವರಿಗೆ ಕರೆ ಮಾಡಿದ ಪಟಗಾರ ಕುಟುಂಬಸ್ಥರು, ಆತ ನಮ್ಮ ಸಹೋದರ , ನಾವು ಅವನನ್ನು ಕರೆದುಕೊಂಡು ಹೋಗಲು ಬರುತ್ತೇವೆ ಎಂದು ಹೇಳಿ, ಆಗುಂಬೆಯತ್ತ ಪ್ರಯಾಣ ಬೆಳೆಸಿದ್ದಾರೆ.
ಬಳಿಕ ಅಲ್ಲಿ ತಲುಪಿ, ಬಹು ವರ್ಷಗಳ ನಂತರ ಸಹೋದರರೀರ್ವರೂ ಮುಖಾ ಮುಖಿಯಾಗಿ,ತನ್ನವರು ಮರಳಿ ದೊರೆತ ಸಂತಸದ ಘಳಿಗೆಗೆ ಸಾಕ್ಷಿಯಾಗಿದೆ. ನಂತರ ಕೆಫೆಯ ಮಾಲೀಕನಿಗೆ ಧನ್ಯವಾದ ತಿಳಿಸಿ, ತನ್ನ ಸಹೋದರ ವಾಸುದೇವನನ್ನು, ಆಗುಂಬೆಯಿಂದ ಮೊದಲು ಕುಮಟಾಕ್ಕೆ
ಕರೆದುಕೊಂಡು ಬಂದು, ಬಳಿಕ ಅಲ್ಲಿಂದ ಅಂಕೋಲಾದ ಹೊನ್ನಳ್ಳಿಯ ತನ್ನ ಮನೆಗೆ ಕರೆತಂದ ಚಂದ್ರು ಪಟಗಾರ, ಅಲ್ಲಿಯೇ ವಾಸ್ತವ್ಯಕ್ಕೆ ಅನುಕೂಲ ಕಲ್ಪಿಸಿಕೊಟ್ಟು ಅಣ್ಣ- ತಮ್ಮಂದಿರ ಸಂಬಂಧಕ್ಕೆ ಮಾದರಿಯಾಗಿದ್ದಾರೆ.
ಈ ಋುಣಾನುಬಂಧ ಬೆಸೆಯಲು ಕೈ ಜೋಡಿಸಿದ ಸರ್ವರ ಮಾನವೀಯ ಸೇವೆ, ಮತ್ತು ಮೌಲ್ಯವನ್ನು ನಾವೆಲ್ಲರೂ ಮೆಚ್ಚಲೇಬೇಕಿದೆ. ಶ್ರೀನಾಥ ಭಕ್ತನ ಜೊತೆ ಆತನ ಧರ್ಮಪತ್ನಿ ಶ್ರೀ ಲಕ್ಷ್ಮೀ ಭಕ್ತ ಇವರು, ಪತಿಯ ಸತ್ಕಾರ್ಯಕ್ಕೆ ಬೆನ್ನೆಲುಬಾಗಿ ತಾನೂ ಸಹ ಅಪರಿಚಿತ ದಾರಿಹೋಕ ವ್ಯಕ್ತಿಗೆ ಸತ್ಕರಿಸಿದ್ದಾರೆ. ತನ್ನ ಅಜ್ಜನ ವಯಸ್ಸಿನ ಆ ವ್ಯಕ್ತಿ ಬರಿಗಾಲಲ್ಲಿ ನಡೆದಾಡುವುದನ್ನು ಕಂಡು, ಮರುಗಿದ ಆ ದಂಪತಿಗಳ ಪುಟ್ಟ ಮಗಳು ಅನ್ನ ಪೂರ್ಣ ಭಕ್ತ ಇವಳು, ತಾನು ಕೂಡಿಟ್ಟ ಚಿಲ್ಲರೆ ಹಣ ಒಟ್ಟುಗೂಡಿಸಿ,ತಮ್ಮ ಮನೆಯಲ್ಲಿ ಆಶ್ರಯ ಪಡೆದಿದ್ದ ಅದೇ ವ್ಯಕ್ತಿಗೆ ಪಾದರಕ್ಷೆ ತೆಗೆಸಿಕೊಟ್ಟು ತಾನೂ ಸಂತಸ ಪಟ್ಟಿದ್ದಾಳೆ ,
ಒಟ್ಟಿನಲ್ಲಿ ಹಣ ಪಡೆಯದೇ ಕುಡಿಯಲು ಗುಟುಕು ನೀರು ನೀಡಲು ಹಿಂದೆ ಮುಂದೆ ಯೋಚಿಸುವ ಕೆಲ ಜನರಿರುವ ಇಂದಿನ ಆಧುನಿಕ ಸಮಾಜದಲ್ಲಿ, ಭಕ್ತ ಕುಟುಂಬದವರು, ಮಧ್ಯ ವಯಸ್ಕ ದಾರಿಹೋಕನೊಬ್ಬನ ಬಗ್ಗೆ ಕಾಳಜಿ ತೋರಿ,ಅವನನ್ನು ಮನೆಗೆ ತಲುಪಿಸಲು ತೋರಿದ ಮಾನವೀಯ ಮತ್ತು ಸಾಮಾಜಿಕ ಕಳಕಳಿ ಎಲ್ಲರಿಗೂ ಮಾದರಿಯಾಗಿದೆ.
ಅಂತೆಯೇ ಈ ಮಹತ್ಕಾರ್ಯದ ಹಿಂದೆ ಸಂದೇಶವಾಹಕನಾದ ಭಟ್ಕಳ ಮೂಲದ ರಾಮಚಂದ್ರನ ಪಾತ್ರವೂ ದೊಡ್ಡದಿದೆ. ಜೊತೆ ಜೊತೆಯಲ್ಲಿ ಈ ಮೆಸೇಜನ್ನು ಒಬ್ಬರಿಂದ ಒಬ್ಬರಿಗೆ ಕಳಿಸಿ,ಆತನ ಮನೆಯವರೆಗೂ ತಲುಪಿಸಲು ತಮ್ಮ ಅಳಿಲು ಸೇವೆ ಸಲ್ಲಿಸಿದ ಅದೆಷ್ಟೋ ಜನರಿದ್ದಾರೆ.ಆರಂಭದಿಂದ ಸುಖಾಂತ್ಯದ ವರೆಗೆ ತಮ್ಮ ತಮ್ಮ ಸೇವಾ ಕಾರ್ಯ ನಡೆಸಿದ ಸರ್ವರಿಗೂ ನಿಮ್ಮದೊಂದು ಮೆಚ್ಚುಗೆ ಇರಲಿ.
ವಿಸ್ಮಯ ನ್ಯೂಸ್ ವಿಲಾಸ ನಾಯಕ ಅಂಕೋಲಾ