ಮನೆ ಮೇಲೆ ಆಲದ ಮರಬಿದ್ದು, ನಾಲ್ವರಿಗೆ ಗಾಯ: ಮರಬಿದ್ದು ಶಾಲೆಯೊಂದರ ಕಂಪ್ಯೂಟರ್ ಕೋಣೆ ಜಖಂ

ಹೊನ್ನಾವರ: ತಾಲೂಕಿನಲ್ಲಿ ಗಾಳಿ ಮಳೆಗೆ ಅಪಾರ ಹಾನಿ ಮಾಡಿದೆ. ಹಳದೀಪುರ ಗ್ರಾಮದಲ್ಲಿ ಜೋರಾದ ಗಾಳಿ ಮಳೆಗೆ ಮನೆ ಮೇಲೆ ಬೃಹತ್ ಆಲದ ಮರಬಿದ್ದಿದ್ದು, ನಾಲ್ಕು ಜನರಿಗೆ ಗಾಯವಾಗಿದೆ. ವಿಷ್ಣು ಕೃಷ್ಣ ಗೌಡ, ನಿಪುಲಾ ಕೃಷ್ಣ ಗೌಡ , ಕೃಷ್ಣ ದೇವು ಗೌಡ, ಮಾದೇವಿ ಕೃಷ್ಣ ಗೌಡ ಗಾಯಗೊಂಡವರು ಎಂದು ತಿಳಿದುಬಂದಿದೆ. ಇದೇ ವೇಳೆ ಜೋರಾದ ಗಾಳಿ ಮಳೆಗೆ ಖರ್ವಾ ಗ್ರಾಮದ ಕಡಗೇರಿಯಲ್ಲಿ ತೋಟದ 15 ಅಡಿಕೆ ಮರ ಹಾಗೂ 2 ತೆಂಗಿನ ಮರಗಳು ಮುರಿದುಬಿದ್ದಿದೆ. ಕುದ್ರಿಗಿಯಲ್ಲೂ ಮನೆಯ ಮೇಲೆ ತೆಂಗಿನ ಮರಬಿದ್ದು, ಹಾನಿಯಾಗಿದೆ. ಪಾವಿನಕುರ್ವಾದಲ್ಲೂ ತೆಂಗಿನಮರ ಮನೆಮೇಲೆ ಬಿದ್ದಿದೆ. ಬೇರೋಳ್ಳಿಯ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಕಂಪ್ಯೂಟರ್ ಕೋಣೆಯಲ್ಲಿ ಮರ ಬಿದ್ದು ಶಾಲೆಯ ಕೋಣೆ ಹಾನಿಯಾಗಿದೆ.

ವಿಸ್ಮಯ ನ್ಯೂಸ್, ವಿವೇಕ್ ಶೇಟ್, ಹೊನ್ನಾವರ