ಅಂಕೋಲಾ:ತಾಲೂಕಿನ ಹಟ್ಟಿಕೇರಿ ಗ್ರಾಮದ ಪಾರೆಸ್ಟ್ ಡಿಪೋ ಎದುರಿನಲ್ಲಿ ರಾಷ್ಟ್ರೀಯ ಹೆದ್ದಾರಿ 66 ರ ಪಕ್ಕದ ಗಟಾರಿನಲ್ಲಿ ಯಾವುದೇ ಪರವಾನಗಿ ಇಲ್ಲದೇ ಅಕ್ರಮವಾಗಿ ಸಂಗ್ರಹಿಸಿ ಇಡಲಾಗಿದ್ದ ವಿವಿಧ ಬ್ರ್ಯಾಂಡಿನ ಸುಮಾರು 76150 ರೂಪಾಯಿ ಮೌಲ್ಯದ ಗೋವಾ ಸಾರಾಯಿಯನ್ನು ಅಂಕೋಲಾ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಗೋವಾ ರಾಜ್ಯದಲ್ಲಿ ತಯಾರಾದ 750 ಎಂ.ಎಲ್ ನ ಲೈಪ್ ಹೌಸ್ ವಿಸ್ಕಿಯ 350 ಬಾಟಲಿಗಳು, 750 ಎಂ.ಎಲ್ ನ ಗೋವಾ ಕೋಕೋನಟ್ ಫೆನ್ನಿಯ 280 ಬಾಟಲಿಗಳು, 750 ಎಂ.ಎಲ್ ನ ಹೈವರ್ಡ್ಸ್ ವಿಸ್ಕಿಯ 5 ಬಾಟಲಿಗಳನ್ನು ವಶಪಡಿಸಿಕೊಂಡ ಅಂಕೋಲಾ ಉಪನಿರೀಕ್ಷಕ ಸುಹಾಸ ಆರ್ (ತನಿಖೆ – 2 ) ದೂರು ನೀಡಿದ್ದು ಈ ಕುರಿತು ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಪ್ರಕರಣ ದಾಖಲಿಸಿಕೊಂಡ ಪಿಎಸ್ಐ ಉದ್ದಪ್ಪ ಧರೆಪ್ಪನವರ, ಅಕ್ರಮವಾಗಿ ಸರಾಯಿ ಸಂಗ್ರಹಿಸಿಟ್ಟಿದ್ದ ಆರೋಪಿಗಳ ಪತ್ತೆಗೆ ಕಾನೂನು ಕ್ರಮ ಕೈಗೊಂಡಿದ್ದಾರೆ. ಈ ಮೊದಲೇ ಅಲ್ಲಿ ಸರಾಯಿ ದಾಸ್ತಾನು ಇಡಲಾಗಿತ್ತೇ ಅಥವಾ ಪೊಲೀಸರ ದಾಳಿಯ ಸುಳಿವರಿತು ಅಕ್ರಮ ದಂಧೆಕೋರರು ಸರಾಯಿ ಬಿಟ್ಟು ಓಡಿ ಹೋದರೆ? ಈ ಅಕ್ರಮ ದಂಧೆಯಲ್ಲಿ ಯಾರೆಲ್ಲ ಶಾಮೀಲಾಗಿರಬಹುದು ಎಂಬಿತ್ಯಾದಿ ಮಾತುಗಳು ಕೇಳಿ ಬರುತ್ತಿದ್ದು,ಪೊಲೀಸರು ಚುರುಕಿನ ತನಿಖೆ ಕೈಗೊಂಡು ಅಕ್ರಮ ಜಾಲ ಭೇದಿಸುವರೇ ಕಾದುನೋಡಬೇಕಿದೆ.
ಊರು ಕೊಳ್ಳೆ ಹೊಡೆದು ಹೋದ ಮೇಲೆ ಕೋಟೆ ಬಾಗಿಲು ಮುಚ್ಚಿದ್ದರಂತೆ ಎಂಬಂತೆ , ಪೊಲೀಸರು ಅಕ್ರಮ ಸರಾಯಿ ವಶಪಡಿಸಿಕೊಂಡ ನಂತರ ಇರಿಸು ಮುರಿಸಿಗೊಳಗಾದಂತಿರುವ ಅಬಕಾರಿ ಇಲಾಖೆ, ತಡವಾಗಿ ಎಚ್ಚೆತ್ತುಕೊಂಡು ಘಟನಾ ಸ್ಥಳಕ್ಕೆ ತೆರಳಿ, ಅಕ್ಕ ಪಕ್ಕದ ಅಂಗಡಿಕಾರರು ಮತ್ತಿತರರನ್ನು ವಿಚಾರಿಸಿದ್ದಾರೆ ಎನ್ನಲಾಗಿದೆ.
ವಿಸ್ಮಯ ನ್ಯೂಸ್ ವಿಲಾಸ ನಾಯಕ ಅಂಕೋಲಾ
-
ಕುಮಟಾ ತಾಲ್ಲೂಕಾ ಮಟ್ಟದ ಪ್ರಾಥಮಿಕ ಮತ್ತು ಪ್ರೌಢಶಾಲಾ ಶಿಕ್ಷಕರ ಸಹಪಠ್ಯ ಚಟುವಟಿಕೆಗಳ ಸ್ಪರ್ಧೆ
-
ಬೈಕ್ ನಲ್ಲಿ ಹೋಗುತ್ತಿದ್ದ ಶಿಕ್ಷಕನ ಮೇಲೆ ಚಿರತೆ ದಾಳಿ: ಏನಾಯ್ತು ನೋಡಿ?
-
ಅತೀ ವೇಗ , ತಿಥಿ ಬೇಗ ಎಂದು ಹೇಳಿ ಸಂಚಾರ ನಿಯಮುದ ಬಗ್ಗೆ ಜಾಗೃತಿ ಮೂಡಿಸುತ್ತಿರುವ ಪೊಲೀಸರು
-
ಹೆಸರಾಂತ ಉದ್ಯಮಿ ಈರಪ್ಪ ನಾಯ್ಕ ಗರ್ಡಿಕರ್ ಅವರಿಂದ ದೀಪಾವಳಿ ಶುಭಸಂದರ್ಭದಲ್ಲಿ ಕಚೇರಿ ಮತ್ತು ವಾಹನಗಳಿಗೆ ಪೂಜೆ
-
ಮೃತ ಗೃಹ ರಕ್ಷಕ ಪ್ರವೀಣ್ ನಾಯ್ಕ ಕುಟುಂಬಕ್ಕೆ ಧನಸಹಾಯ
-
ರಾಜ್ಯದ ಆರು ಜಿಲ್ಲೆಗಳಿಗೆ ‘ಯೆಲ್ಲೊ ಅಲರ್ಟ್’
-
ತಡರಾತ್ರಿ ಕಾರಿನಲ್ಲಿ ಬಂದು ಗೋಕಳ್ಳತನ : ದೇವಸ್ಥಾನದ ಎದುರು ಮಲಗಿದ್ದ ಜಾನುವಾರು ಅಪಹರಣ
-
ಅಕ್ರಮವಾಗಿ ಮಾದಕವಸ್ತು ಮಾರಾಟ: ಓರ್ವನ ಬಂಧನ