ಕುಮಟಾಕ್ಕೆ ಆಗಮಿಸಲಿದ್ದಾರೆ ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ: ಏಪ್ರಿಲ್ 12 ರಂದು ಮುಹೂರ್ತ ಫಿಕ್ಸ್
ಕುಮಟಾ: ಕುಮಟಾ-ಹೊನ್ನಾವರ ವಿಧಾನಸಭಾ ಕ್ಷೇತ್ರದ ಜೆ.ಡಿ.ಎಸ್ ಪಕ್ಷದ ಅಭ್ಯರ್ಥಿಯಾದ ಸೂರಜ್ ನಾಯ್ಕ ಸೋನಿ ಅವರ ನಾಪಪತ್ರ ಸಲ್ಲಿಕೆಯ ಕುರಿತು ಚಾಲನೆ ನೀಡುವ ಸಲುವಾಗಿ ಮಾಜಿ ಮುಖ್ಯ ಮಂತ್ರಿಗಳಾದ ಹೆ.ಡಿ. ಕುಮಾರ ಸ್ವಾಮಿ ಅವರು ಇದೇ ಏಪ್ರಿಲ್ 12 ರಂದು ಕುಮಟಾ ತಾಲೂಕಿಗೆ ಆಗಮಿಸಲಿದ್ದು, ಈ ಕುರಿತಾಗಿ ಮಾಹಿತಿ ನೀಡಲು ಇಂದು ಕುಮಟಾ ಜೆ.ಡಿ.ಎಸ್ ಘಟಕದ ವತಿಯಿಂದ ಪಟ್ಟಣದ ಗಿಬ್ ಸರ್ಕಲ್ ಸಮೀಪದ ಜೆ.ಡಿ.ಎಸ್ ಕಾರ್ಯಾಲಯದಲ್ಲಿ ಸುದ್ಧಿಗೋಷ್ಠಿಯನ್ನು ಹಮ್ಮಿಕೊಳ್ಳಲಾಗಿತ್ತು.
ಸುದ್ಧಿಗೋಷ್ಠಿಯಲ್ಲಿ ಜೆ.ಡಿ.ಎಸ್ ಘಟಕದ ಜಿಲ್ಲಾ ಉಪಾಧ್ಯಕ್ಷರಾದ ಜಿ.ಕೆ ಪಟಗಾರ ಅವರು, ವಿಧಾನಸಭಾ ಚುನಾವಣೆಗೆ ಸಂಬAಧಿಸಿದAತೆ ಕುಮಟಾ-ಹೊನ್ನಾವರ ವಿಧಾನಸಭಾ ಕ್ಷೇತ್ರದ ಜೆ.ಡಿ.ಎಸ್ ಪಕ್ಷದ ಅಭ್ಯರ್ಥಿಯಾದ ಸೂರಜ್ ನಾಯ್ಕ ಸೋನಿ ಅವರ ನಾಮ ಪತ್ರ ಸಲ್ಲಿಕೆಗೆ ಚಾಲನೆ ನೀಡುವ ಉದ್ಧೇಶದಿಂದ ಹೆಚ್.ಡಿ ಕುಮಾರ ಸ್ವಾಮಿ ಅವರು ಕುಮಟಾಕ್ಕೆ ಇದೇ ಏಪ್ರಿಲ್ 12 ರಂದು ಆಗಮಿಸಲಿದ್ದಾರೆ. ಕುಮಟಾದ ಮಣಕಿ ಮೈದಾನದಲ್ಲಿ ಹೆಚ್.ಡಿ ಕುಮಾರ ಸ್ವಾಮಿ ಅವರ ಬರುವಿಕೆಯ ಕುರಿತಾಗಿ ವ್ಯವಸ್ಥೆಯನ್ನು ಮಾಡಲಿದ್ದೆವೆ.
ಈ ನಿಟ್ಟಿನಲ್ಲಿ ಅಂದಿನ ಕಾರ್ಯಕ್ರಮಕ್ಕೆ ಜೆ.ಡಿ.ಎಸ್ ಘಟಕದ ಎಲ್ಲಾ ಭೂತ್‌ಗಳಿಂದ ಅಪಾರ ಸಂಖ್ಯೆಯಲ್ಲಿ ಕಾರ್ಯಕರ್ತರು ಆಗಮಿಸಿ ಸೂರಜ್ ನಾಯ್ಕ ಸೋನಿ ಅವರ ನಾಮ ಪತ್ರ ಸಲ್ಲಿಕೆಯ ಚಾಲನೆ ಕಾರ್ಯಕ್ರಮಕ್ಕೆ ಆಗಮಿಸಲಿರುವ ಹೆಚ್.ಡಿ ಕುಮಾರ ಸ್ವಾಮಿ ಅವರಿಗೆ ಹಾರೈಸಬೇಕು. 12 ರಿಂದ 4 ಗಂಟೆಯೊಳಗಿನ ಕಾಲಾವಕಾಶದಲ್ಲಿ ಅವರು ಹ್ಯಾಲಿಕಾಪ್ಟರ್ ಮೂಲಕವಾಗಿ ಕುಮಟಾಕ್ಕೆ ಆಗಮಿಸಲಿದ್ದಾರೆ ಎಂದು ಮಾಹಿತಿ ನೀಡಿದರು. ಈ ವೇಳೆ ಸುದ್ಧಿಗೋಷ್ಠಿಯಲ್ಲಿ ಕುಮಟಾ ಜೆ.ಡಿ.ಎಸ್ ಘಟಕದ ಜಿಲ್ಲಾಧ್ಯಕ್ಷರಾದ ಸಿ.ಜಿ ಹೆಗಡೆ, ಪ್ರಮುಖರಾದ ಬಲೀಂದ್ರ ಗೌಡ, ಸತೀಶ ಮಹಾಲೆ, ವಸಂತ ಗೌಡ, ಎಮ್.ಟಿ ನಾಯ್ಕ, ಗಾಯತ್ರಿ ಮುಕ್ರಿ, ಶಶಿ ಆಡುಗೋಳಿ ಹಾಜರಿದ್ದರು.
ವಿಸ್ಮಯ ನ್ಯೂಸ್, ಯೋಗೇಶ ಮಡಿವಾಳ. ಕುಮಟಾ.
